人地話：男人的浪漫，豆腐火腩飯；女人的浪漫，刺身加舊飯；咁香港咪90%都係女人？ 😳😳😳😳😳行過尖東，又點少得去搵一搵PND嘅刺身的誘惑。港晶斜對面，勁多位嘅車仔麵隔離有間完全唔起眼嘅小店，抬頭一望，佢地甩哂色嘅招牌，只可勉勉強強見到有個「勁」字。係咪真係仍然咁回味？
就等我挑戰吓佢地嘅鎮店之寶：手卷、加拿大海膽！手卷由$12-$20不等，定食或刺身飯就大約$30-$50到，份量豐儉由潮友決定！呢度嘅手卷、丼都係即叫即整，落完柯打，3分鐘內以微暖嘅壽司飯捲好刺身，然後即刻放入口，以防紫菜淋哂！
海膽手卷，有平有貴，會有兩種選擇：普通海膽手卷$18（左），加拿大海膽手卷$40（右）！細嘅海膽手卷，$18手卷比$40嘅細少少，海膽都幾鮮甜，而且份量都唔少，食到底都仲有！大嘅手卷，真係無得輸，以一格嘅加拿大海膽(大約有2-3塊)厚身、肥美嘅海膽包到手卷底部，入口鮮甜，完全無苦無腥味，加入少少豉油，配珍珠米同紫菜，無敵好味！
PND仲食埋佢地嘅《三文魚鮮帶子手卷》$20，大大個手卷有2-3片三文魚+2粒大帆立貝，三文魚選料肥美，有油脂香；帆立貝好鮮甜，刺身好足料，以尖沙咀區嘅租金嚟講，性價比好高！唔支持唔得！
勁回味
電話：34897027
星期一至五 14:00-05:00
星期六 16:00-05:00
🚨🚨🚨｛星期日及公假休息｝🚨🚨🚨
#PND尖沙咀 #PND日本菜 #PND小食 #PND外賣
@尖沙咀科學館道14號新文華中心商場地下21B號舖
Search